შოთა რუსთაველის საქართველოს ეროვნული სამეცნიერო ფონდი

Shota Rustaveli National Science Foundation of Georgia

მეცნიერებისთვის, მომავლისთვის, საქართველოსთვის

საქართველოს განათლებისა და მეცნიერების სამინისტრო
EN

შეხვედრა გერმანიაში, ქ. შტუტგარტში შტაინბაისის ფონდის პრეზიდენტთან

მიმდინარე წლის 12 აგვისტოს, გერმანიაში, ქ. შტუტგარტში,  შტაინბაისის ფონდში შოთა რუსთაველის საქართველოს ეროვნული  სამეცნიერო  ფონდის გენერალური  დირექტორის, ზვიად გაბისონიას და   შტაინბაისის ფონდის პრეზიდენტის პროფესორ, მიხაელ აუერის  ოფიციალური შეხვედრა  გაიმართა.

ფონდის გენერალურმა დირექტორმა, პროფ. ზვიად გაბისონიამ შტაინბაისის ფონდის წარმომადგენლებს გააცნო რუსთაველის  ფონდის საქმიანობა,   მიზნები, პრიორიტეტები. ასევე დეტალურად განიხილა მეცნიერების რეფორმის ძირითადი პრინციპები.

შტაინბაისის ფონდის პრეზიდენტმა,  პროფესორ აუერმა სურვილი გამოთქვა საქართველოსთან თანამშრომლობის დაწყებაზე და პარტნიორ ინსტიტუციად სწორედ რუსთაველის ფონდი დაასახელა.  მომავალი წლიდან შტაინბაისის ფონდი დაეხმარება რუსთაველის ფონდს გამოყენებითი საგრანტო პროექტების ტექნოლოგიურ ტრანსფერებად გარდაქმნის პოლიტიკის შემუშავებაში!

შტაინბაისი არის გერმანიის ერთ ერთი ყველაზე დიდი ფონდი, რომელიც კერძო დაფინანსებების ჭრილში მუშაობს. შტაინბაისი 30 წელზე მეტია, რაც   წარმატებული ცოდნისა და ტექნოლოგიის გადაცემას ემსახურება. ფონდის ქსელი აერთიანებს  1,100 ტრანსფერულ კომპანიას და გვთავაზობს ტექნოლოგიისა და მართვის ფართო გამოცდილებას.  

პროფესორ აუერმა იმედი გამოთქვა გრძელვადიან თანამშრომლობაზე. მიმდინარე წლის ბოლომდე ფონდებს შორის შემუშავდება თანამშრომლობის დეტალური გეგმა და ფორმატი.