2018 წლის ფუნდამენტური კვლევებისათვის სახელმწიფო სამეცნიერო გრანტების კონკურსის შედეგები
კონკურსის ფარგლებში დარეგისტრირდა 535 საპროექტო განაცხადი, მათგან 80 პროექტი მოიხსნა ტექნიკური ექსპერტიზის ეტაპზე. კონკურსში მონაწილე 455 პროექტი შეფასდა საერთაშორისო ექსპერტების მიერ საქართველოს მთავრობის 2011 წლის 16 თებერვლის N84/ნ ბრძანებით დამტკიცებული შეფასების კრიტერიუმების შესაბამისად. გამარჯვებულების გამოვლენა მოხდა ფონდის გენერალური დირექტორის 4 დეკემბრის N183 ბრძანების შესაბამისად დამტკიცებული 2018 წლის ფუნდამენტური კვლევებისათვის სახელმწიფო სამეცნიერო გრანტების კონკურსში დარეგისტრირებული პროექტების საბოლოო ქულის დაანგარიშების და დაფინანსების წესის“ მიხედვით. დასაფინანსებლად შეირჩა 80 პროექტი.
აღსანიშნავია, რომ 2018 წლის ფუნდამენტური კვლევებისათვის სახელმწიფო სამეცნიერო გრანტების კონკურსის ბიუჯეტი შეადგენდა 5 100 000 ლარს. ფონდის ადმინისტრაციის გადაწყვეტილებით კონკურსის ბიუჯეტი გაიზარდა 400 000 ლარით და შეადგინა 5 500 000 ლარი.
იხილეთ: ფონდის გენერალური დირექტორის 2019 წლის 5 თებერვლის ბრძანება N14 გამარჯვებული პროექტების, სარეზერვო პროექტებისა და რანჟირებული სიების დამტკიცების შესახებ.
კონკურსის მონაწილეებს პროექტების შეფასების გაცნობა შეუძლიათ გრანტების მართვის ერთიან სისტემაში (GMUS).
ყურადღება!!!
გთხოვთ, გაითვალისწინოთ, ფონდის გენერალური დირექტორის ბრძანებით განსაზღვრული დოკუმენტების ვადის დარღვევით წარმოდგენის შემთხვევაში გამარჯვებულ აპლიკანტებთან საგრანტო ხელშეკრულება არ გაფორმდება!