ფონდის აქტივობები
http://rustaveli.org.ge/images/NE5A8584.jpg
08/11/2018 12:14

შეხვედრა უორდროპის სტრატეგიული დიალოგის ფარგლებში

დღეს, 8 ნოემბერს, ქართულ-ბრიტანული პოლიტიკური ფორმატის „უორდროპის” სტრატეგიული დიალოგის ფარგლებში, ჩატარდა შეხვედრა ხალხთაშორისი ურთიერთობების, კულტურის, განათლებისა და მეცნიერების საკითხებზე. საქართველოს მხრიდან შეხვედრას ესწრებოდნენ საქართველოს საგარეო საქმეთა სამინისტროს, საქართველოს განათლების, მეცნიერების, კულტურისა და სპორტის სამინისტროს, შოთა რუსთაველის საქართველოს ეროვნული სამეცნიერო ფონდის, განათლების ხარისხის განვითარების ეროვნული ცენტრის,  განათლების საერთაშორისო ცენტრის, საქართველოს პარლამენტის ეროვნული ბიბლიოთეკის, შემოქმედებითი საქართველოს, თბილისის მერიის წარმომადგენლები. გაერთიანებული სამეფოს მხარეს კი წარმოადგენდა დიდი ბრიტანეთის და ჩრდილოეთ ირლანდიის გაერთიანებული სამეფოს საელჩო საქართველოში, ბრიტანეთის საბჭო საქართველოში (British Council Georgia), კარგი მმართველობის ფონდის (Good Governance Fund) პროგრამა საქართველოში, ბრიტანეთის ბიბლიოთეკა. შეხვედრაზე განხილული იქნა საქართველოსა და გაერთანებულ სამეფოს შორის განათლების, მეცნიერებისა და კულტურის სფეროში მიმდინარე  თანამშრომლობა და წარმატებული პროექტები. ასევე, გაჟღერდა ახალი ინიციატივები ორ ქვეყანას შორის განათლებისა და კულტურის განხრით მჭიდრო თანამშრომლობის დასამყარებლად. შოთა რუსთაველის საქართველოს ეროვნული სამეცნიერო ფონდის დირექტორმა, ბ-ნ ზვიად გაბისონიამ მიმოიხილა თანამშრომლობა ფონდსა და გაერთიანებულ სამეფოს შორის. მან ხაზი გაუსვა ფონდისა და ოქსფორდის უნივერსიტეტის “ საქართველოს შემსწავლელი მეცნიერებების ერთობლივი კვლევითი საგრანტო პროგრამას” , რომლის ადმინისტრირებას ფონდი 2015 წლიდან წარმატებით ახორციელებს. აღნიშნული პროგრამის ფარგლებში ოქსფორდის უნივერსიტეტის და ფონდის ერთობლივი კომისიის მიერ, კონკურსის საფუძველზე შეირჩევიან ახალგაზრდა მეცნიერები ოქსფორდის უნივერსიტეტში სამეცნიერო-კვლევითი პროექტის განსახორციელებლად. ბატონმა ზვიად გაბისონიამ იმედი გამოთქვა, რომ ფონდსა და დიდი ბრიტანეთის კვლევით ინსტიტუციებს შორის თანამშრომლობა გაფართოვდება და მოიცავს არა მხოლოდ ერთობლივი კვლევითი პროგრამის მხარდაჭერას, არამედ მეცნიერების პოლიტიკის შემუშავებისა და განხორციელების მიმართულებით გამოცდილების გაზიარებას.  
სრულად
http://rustaveli.org.ge/images/NEWS/es%20(5).JPG
26/10/2018 17:13

საქართველოს ონკოლოგიური უროლოგიის მეორე საერთაშორისო კონგრესი

26 ოქტომბერს, 09:00 საათზე, ივანე ჯავახიშვილის სახელობის თბილისის სახელმწიფო უნივერსიტეტში საერთაშორისო კონგრესი ონკოუროლოგიაში  გაიხსნა. აღნიშნული კონგრესი დაფინანსებულია შოთა რუსთაველის საქართველოს ეროვნული სამეცნიერო ფონდის, MMT ჰოსპიტალისა და ივანე ჯავახიშვილის სახელობის თბილისის სახელმწიფო უნივერსიტეტის მიერ. ღონისძიებაზე სტუმრებს სიტყვით მიმართა ფონდის გენერალურმა დირექტორმა ბატონმა ზვიად გაბისონიამ. კონგრესში მონაწილეობას იღებენ ამ დარგის მსოფლიოს წამყვანი სპეციალისტები - ამერიკის, გერმანიის, შვედეთის, საფრანგეთის, იტალიის, ბელგიის, დიდი ბრიტანეთის, რუსეთის, უკრაინის, სომხეთის, აზერბაიჯანისა და საქართველოს გამოჩენილი წამყვანი მეცნიერები და ექიმები. უროლოგიურ სიმსივნეებთან ბრძოლა აქტუალური თემაა დღევანდელ მსოფლიო მედიცინაში. არსებობს სრულიად ახალი მიდგომები და რეკომენდაციები ამ პათოლოგიათა დასამარცხებლად. კონგრესის ძირითადი მიზანია ამ სიახლეების ურთიერთგაზიარება და ქართველი ექიმებისთვის თანამედროვე მსოფლიო მედიცინის განვითარების პროცესებში თანამონაწილეობა. უროლოგიაში ფართოდ ინერგება მკურნალობის ახალი სტრატეგია და ტაქტიკა. სხვადასხვა დარგის საერთაშორისოდ აღიარებული ექსპერტები შეაჯამებენ არსებულ სამეცნიერო ინოვაციებს, მოხდება აზრთა გაცვლა, და დისკუსიები. ეს, უზრუნველჰყოფს სამეცნიერო-პრაქტიკულ და კლინიკურ პროგრესს, სპეციალისტთა ცოდნის, გამოცდილების ზრდას, პროგრესული იდეების დანერგვას.  კონგრესი მულტიდისციპლინურია - მასში მონაწილეობენ უროლოგები, ონკოლოგები, რადიოლოგები და პათანატომები სხვადასხვა ქვეყნებიდან.  
სრულად
http://rustaveli.org.ge/images/20181026_104445.jpg
26/10/2018 16:34

თბილისის სახელმწიფო სამედიცინო უნივერსიტეტმა (თსსუ) უმასპინძლა საერთაშორისო კონფერენციას „ქრონიკული ნევროლოგიური დარღვევები - ელექტრონული ჯანდაცვის მიდგომები“.

26 ოქტომბერს, 10:00 საათზე, თბილისის სახელმწიფო სამედიცინო უნივერსიტეტმა (თსსუ) უმასპინძლა საერთაშორისო კონფერენციას „ქრონიკული ნევროლოგიური დარღვევები - ელექტრონული ჯანდაცვის მიდგომები“. კონფერენციაზე შეჯამდა 2016 წლის შოთა რუსთაველის საქართველოს ეროვნული სამეცნიერო ფონდის მიერ ადმინისტრირებული გამოყენებითი კვლევებისათვის სახელმწიფო გრანტების კონკურსის გამარჯვებული პროექტის „ელექტრონული ჯანდაცვის პროტოტიპი ძილის დარღვევებისთვის - ქართული ციფრული კოგნიტურ ბიჰევიორული თერაპიის (CBT) ვერსია ინსომნიის მქონე პაციენტებისთვის“ შედეგები.   კონფერენცია გახსნა თსსუ რექტორმა, პროფესორმა ზურაბ ვადაჭკორიამ. მისასალმებელი სიტყვით გამოვიდნენ მედიცინის დოქტორი, ბატონი ჟან უილემ ბარზილაი - ნიდერლანდების სამეფოს ეპილეფსიის ცენტრის (SEIN) დირექტორი, მედიცინის დოქტორი, ბატონი ალ დე ვერდი - ნიდერლანდების სამეფოს ძილის ცენტრის ფედერაციის თავმჯდომარე და შოთა რუსთაველის საქართველოს ეროვნული სამეცნიერო ფონდის წარმომადგენელი ნინო გაჩეჩილაძე.   კონფერენციაში ქართველი ექიმების გარდა მონაწილეობას იღებენ ნევროლოგიის დარგის წამყვანი სპეციალისტები ავსტრიის, შოტლანდიის, ნიდერლანდებისა და სხვა ქვეყნებიდან.
სრულად
http://rustaveli.org.ge/images/NEWS/IMG_2800.JPG
24/10/2018 17:12

შეხვედრა მსოფლიო ბანკის წარმომადგენლებთან

23 სექტემბერს შოთა რუსთაველის საქართველოს ეროვნულ სამეცნიერო ფონდში ჩატარდა სამუშაო შეხვედრა  ფონდის, საქართველოს განათლების, მეცნიერების, კულტურისა და სპორტის სამინისტროს  და მსოფლიო ბანკის წარმომადგენლების მონაწილეობით. შეხვედრაზე განხილულ იქნა ინსტიტუციებს შორის სამომავლო თანამშრომლობის პერსპექტივები. მხარეებმა ისაუბრეს ახალგაზრდა მეცნიერთა მხარდაჭერისა და ინოვაციური, გამოყენებითი კვლევების გაძლიერების მნიშვნელობაზე. შეხვედრაზე გენერალურმა დირექტორმა ფონდის სახელით სრული მზადყოფნა გამოხატა, სწრაფად და ეფექტიანად მოხდეს ერთობლივი ღონისძიებების შემუშავება და განხორციელება.  
სრულად
http://rustaveli.org.ge/images/44561796_893940954063588_4734050736202055680_n_1.jpg
23/10/2018 12:57

ფონდის გენერალური დირექტორი სტუმრად რადიო იმედში

საქართველოში მეცნიერების ხელშემწყობი პროექტები. საღამოს არხის სტუმარი: სსიპ შოთა რუსთაველის საქართველოს ეროვნული სამეცნიერო ფონდის გენერალური დირექტორი - ზვიად გაბისონია. წამყვანი: ზაზა ჭითანავა. იხილეთ ბმული 
სრულად
http://rustaveli.org.ge/images/IMG_2754.JPG
22/10/2018 14:49

საქართველოს პირველი დემოკრატიული რესპუბლიკის 100 წლის იუბილესადმი მიძღვნილი National Geographic საქართველოს ოქტომბრის ნომერის პრეზენტაცია გაიმართა და ჟურნალის მეექვსე დაბადების დღე აღინიშნა

ღონსძიებაზე სტუმრებს სიტყვით მიმართეს საქართველოს ეროვნული მუზეუმის გენერალურმა დირექტორმა და National Geographic საქართველოს სამეცნიერო საბჭოს წევრმა პროფ. დავით ლორთქიფანიძემ , შოთა რუსთაველის ეროვნული სამეციერო ფონდის გენერალურმა დირექტორმა ბატონმა ზვიად გაბისონიამ , National Geographic საქართველოს მთავარმა რედაქტორმა ნათია ხულუზაურმა და გამომცემელმა ანი ცაბაძემ . National Geographic საქართველომ ოქტომბრის ნომერში ექსკლუზიურად გამოაქვეყნა საქართველოშო ბრიტანეთის უმაღლესი კომისრის სერ ოლივერ უორდროპის დღიურები , რომლებიც მიმდინარე წლის 1 ივნისს გადაეცა ოქსფორდის უნივერსიტეტის ბოდლიანის ბიბლითეკას . ჟურნალ  National Geographic საქართველოსა და შოთა რუსთაველის ეროვნული სამეცნიერო ფონდის თანამშრომლობის ფარგლებში National Geographic საქართველომ მოამზადა ვრცელი სტატია „დაუსრულებელი სიმფონია“ საქართველოს პირველი დემოკრატიული რესპუბლიკის შესახებ, სადაც ისტორიკოს ბექა კობახიძის (საქართველოში, დიდ ბრიტანეთსა და საფრანგეთში წარმოებულ) მრავალწლიან კვლევაზე დაყრდნობით მითხველს შესთავაზა ანალიზი იმისა, თუ როგორი იყო საქართველოს საერთაშორისო პოზიციები 1918-1921 წლებში, რა იყო ჩვენი ქვეყნის ყველაზე მთავარი მიღწევა და მაინც, რა გახდა მიზეზი იმისა, რომ დამოუკიდებლობა დავკარგეთ . სტატიაში ასევე წარმოდგენილია ისეთი მეცნიერების მოსაზრებებიც, როგორებიც არიან სტივენ ჯონსი (მოუნთ ჰოლიოკის კოლეჯი, აშშ), რიჩარდ ჰოვანესიანი (კალიფორნიის უნივერსიტეტი, აშშ), ნილ მაკფარლენი (ოქსფორდის უნივერსიტეტი, დიდი ბრიტანეთი) და ჯილიან ევისონი (ოქსფორდის უნივერსიტეტი, დიდი ბრიტანეთი). სტატიაში ექსკლუზიურადა დაბეჭდილი ამიერკავკასიაში ბრიტანეთის უმაღლესი კომისრის, სერ ოლივერ უორდროპის დღიურებიც, რომლებიც მიმდინარე წლის 1 ივნისს გადაეცა ოქსფორდის უნივერსიტეტის ბოდლიანის ბიბლიოთეკას და საუკუნის შემდეგ ისტორიკოსების შესწავლის საგანი ხდება. National Geographic საქართველოს გუნდი პირველი იყო ვისაც, რუსთაველის ეროვნული სამეცნიერო ფონდის ხელშეწყობით , დღიურების საკონსერვაციო სამუშაოების დასრულებისთანავე მიეცა მათი ხილვისა და გადაღების საშუალება . ეს დღიურები საქართველოს დამოუკიდებლობის დიდი ქომაგის, ოლივერ უორდროპის ინგლისურ და ქართულენოვან ჩანაწერებს ინახავს – ფაქტებს, ემოციებს და საყიდელი წიგნების სიასაც, რომელშიც „დროების” კალენდარი და ექვთიმე თაყაიშვილის წიგნიც შედის. ჟურნალში ასევე წარმოდგენილია ზუსტად 100 წლის წინ National Geographic-ის პირველი საველე კორეპონდენტის , მეინარდ ოუენ უილიამსის მიერ დაწრილ სტატია და გადაღებული ფოტოები. უილიამსმა კავკასიაში იმოგზაურა რუსეთის იმპერიის დაშლის შემდეგ და აღწერა მაშინ არსებული მდგომარეობა. მის სტატიაში ვრცელი თავი ეთმობა საქართველოსა და ქართველებს - მისი აზრით ყველაზე საინტერესო ხალხს მათ შორის, ვინც კავკასიაში სახლობს. უილიამსმა საკუთარი თვალით იხილა საქართველოში ავტოკეფალიის აღდგენისა და არჩევნების ჩატარების პროცესი , რასაც ემოციურად აღწერს კიდეც თვის სტატიაში. დღევანდელი გადასახედიდან მისი ბევრი მოსაზრება საკმაოდ მიამიტურად ჟღერს, თუმცა, საბოლოო ჯამში, ის ძალიან საინტერესო სურათს ხატავს იმის შესახებ თუ რა მოლოდინები და წარმოდგენები არსებობდა, რა უხაროდათ და რა აწუხებდათ საქართველოში ზუსტად 100 წლის წინ .  უილიამსის სტატია 1918 წლის ოქტომბრის ნომერში გამოქვეყნდა National Geographic-ის მთავარ გამოცემაში. მაშინ ალბათ, ნამდვილად ვერავინ წარმოიდგენდა, რომ რამდენიმე წელიწადში საქართველო კვლავ რუსეთის მარწუხებში მოექცეოდა, 100 წლის შემდეგ კი ისევ თავისუფალ ქვეყანაში National Geographic-ის ქართულენოვანი გამოცემა იარსებებდა. National Geographic საქართველომ სპეციალური უფლება გამოითხოვა სათაო ოფისისგან და ზუსტად 100 წლის შემდეგ, 2018 ოქტომბრის ნომერში ქართულ ენაზე გამოაქვეყნა ამერიკელი მოგზაურის, მეინარდ ოუენ უილიამსის თვალით 1918 წელს დანახულ საქართველო .  და ბოლოს, ნომერში ასევე წარმოგიდგენილია ალექსანდრე ჭავჭავაძე უმცროსის ოქროს ჯიბის საათის საინტერესო თავგადასავალი, რომელიც ცნობილი ფრანგი მესაათის , პაველ ბურეს მიერაა დამზადებული და მასზე დატანილია ქართული არტ-ნუვოს იშვიათი ნიმუში - მფლობელის ინიციალები „აჭ“. საათი რუსეთის იმპერიის დამხობასაც მოესწრო და შემდეგ საქართველოს დემოკრატიული რესპუბლიკის შქმნასაც. ის სულ ცოტა ხნის წინ ასწლიანი მიგრაციიდან დაუბრუნდა ჭავჭავაძეების საგვარეულო მამულს და წინანდლის მუზეუმის მუდმივი ექსპოზიციის ნაწილი გახდა.    ოქტომბრის ნომერში დაბეჭდილი მასალის მოკლედ გასაცნობად შეგიძლიათ ეწვიოთ ლინკს: http://www.nationalgeographic.ge/magazine/ National Geographic საქართველოს და რადიო თავისუფლების თანამშრომლობის ფარგლებში მომზადებული ვიდეო-რგოლი კი შეგიძლიათ, იხილოთ ბმულზე: https://bit.ly/2PGGQxH  "ჩვენ გვჯერა რომ მეცნიერების, კვლევისა და თხრობის ძალას სამყაროს შეცვლა შეუძლია"      
სრულად
http://rustaveli.org.ge/images/NEWS/Embassy%20and%20SRNSF%20--%205.jpg
11/10/2018 09:52

აშშ-ის ჯანმრთელობის ეროვნული ინსტიტუტის (NIH) პროფესორის შემაჯამებელი ანგარიშის პრეზენტაცია

მიმდინარე წლის 10 ოქტომბერს, საქართველოში ამერიკის შეერთებული შტატების საელჩოში აშშ-ს ჯანმრთელობის ეროვნული ინსტიტუტის (NIH) პროფესორმა ლეონიდ მარგოლისმა წარადგინა შემაჯამებელი პრეზენტაცია. პროფესორი  მარგოლისი საქართველოს აშშ საელჩოს ერთ-ერთი პროგრამის- US Embassy Science Fellows Program ფარგლებში სტუმრობდა. ვიზიტის ფარგლებში, მან ერთი თვის განმავლობაში, გამართა სამუშაო შეხვედრები არამხოლოდ ფონდის წარმომადგენლებთან, არამედ სხვადასხვა წამყვან კვლევით ინსტიტუციებსა თუ ცენტრებთანაც. 10 ოქტომბერს გამართულ შემაჯამებელ შეხვედრას ესწრებოდნენ აშშ-ს საელჩოსა და შოთა რუსთაველის საქართველოს ეროვნული სამეცნიერო ფონდის წარმომადგენლები. პროფესორმა მარგოლისმა შეხვედრაზე წარადგინა თავისი ხედვა, რჩევები და  რეკომენდაციები ფონდისა და, ზოგადად,  მეცნიერების, ტექნოლოგიებისა და ინოვაციების სისტემის (STI System) განვითარების მიმართულებით საქართველოში. შეხვედრაზე დამსწრე საზოგადოებასთან ერთად, ასევე განხილულ იქნა ფონდსა და NIH-სა და საქართველო-აშშ-ს შორის შესაძლო სამომავლო სამეცნიერო თანამშრომლობის პერსპექტივებიც.
სრულად
http://rustaveli.org.ge/images/NEWS/IMG_2623.JPG
05/10/2018 17:29

სამუშაო შეხვედრა NCDC - ში

დღეს, 5 ოქტომბერს დაავადებათა კონტროლისა და საზოგადოებრივი ჯანმრთელობის ეროვნულ ცენტრში ჩატარდა გაცნობითი ხასიათის სამუშაო შეხვედრა შოთა რუსთაველის საქართველოს ეროვნული სამეცნიერო ფონდის წარმომადგენლებისა და აშშ-ის ჯანმრთელობის  ეროვნული ინსტიტუტის ( NIH)  პროფესორის, ლეონიდ მარგოლისის მონაწილეობით. პროფ. მარგოლისი  საქართველოს ეწვია ამერიკის შეერთებული შტატების საელჩოს ერთ-ერთი პროგრამის ფარგლებში - Embassy Science Fellows Programme. პროგრამა ითვალისწინებს აშშ-ის წამყვანი სამეცნიერო ცენტრის წარმომადგენლის ვიზიტს საქართველოში, კერძოდ შოთა რუსთაველის საქართველოს ეროვნული სამეცნიერო ფონდში, საქართველოს მეცნიერების, ტექნოლოგიებისა და ინოვაციის (STI) სისტემის გაცნობის, შესაბამისი რეკომენდაციების შემუშავების და  გაზიარების მიზნით. დაავადებათა კონტროლისა და საზოგადოებრივი ჯანმრთელობის ეროვნულ ცენტრში პროფ. მარგოლისს და ეროვნული სამეცნიერო ფონდის გენერალურ დირექტორს, ბატონ ზვიად გაბისონიას ცენტრის გენერალურმა დირექტორმა ბატონმა ამირან გამყრელიძემ და გენერალური დირექტორის მოადგილემ მეცნიერების დარგში, ლუგარის საზოგადოებრივი ჯანმრთელობის კვლევითი ცენტრის ხელმძღვანელმა, ბატონმა პაატა იმნაძემ გაუზიარეს ინფორმაცია ცენტრის ფარგლებში შესრულებული უნიკალური და მაღალი ხარისხის კვლევითი პროექტების, სამომავლო გეგმების და აშშ-ს მხარესთან წარმატებული თანამშრომლობის შესახებ.   
სრულად
http://rustaveli.org.ge/images/NEWS/IMG_2070.JPG
27/09/2018 16:45

ფონდის წარმატებულ გრანტიორთა პრეზენტაცია თემაზე: როგორ მივიღე გრანტი; როგორ ვახორციელებ გრანტს

მეცნიერებისა და ინოვაციების ფესტივალის ფარგლებში ,სსიპ შოთა რუსთაველის საქართველოს ეროვნულ სამეცნიერო ფონდში გაიმართა ფონდის წარმატებულ გრანტიორთა პრეზენტაცია თემაზე: როგორ მივიღე გრანტი; როგორ ვახორციელებ გრანტს.(HE, MG/GeoConf, H2020PG, , FR 2017, YS 2017, PhDF2017, Oxford GSP 2018, SCR.) წარმატებული პროექტების ხელმძღვანელებმა წარმოადგინეს პრეზენტაციები მათ მიერ წარმატებით განხორციელებული პროექტების შესახებ და აუდიტორიას გაუზიარეს საგრანტო წერისა და პროექტის წარმატებით განხორციელების შესახებ.
სრულად
http://rustaveli.org.ge/images/NEWS/IMG_1962.JPG
26/09/2018 16:46

საშუამავლო ღონისძიება -სსიპ შოთა რუსთაველის საქართველოს ეროვნული სამეცნიერო ფონდის მიერ სხვადასხვა კონკურსებში დაფინანსებული, წარმატებული, ახალგაზრდა მეცნიერების..

მეცნიერებისა და ინოვაციების ფესტივალის ფარგლებში, სსიპ შოთა რუსთაველის საქართველოს ეროვნულ სამეცნიერო ფონდში გაიმართა საშუამავლო ღონისძიება -სსიპ შოთა რუსთაველის საქართველოს ეროვნული სამეცნიერო ფონდის მიერ სხვადასხვა კონკურსებში დაფინანსებული, წარმატებული, ახალგაზრდა მეცნიერებისა და ზოგადსაგანმანათლებლო დაწესებულებების (საჯარო და კერძო სკოლების) უფროსკლასელების VIII-XI კლასელების შეხვედრა სამომავლო თანამშრომლობის ინიცირების მიზნით.
სრულად