სიახლეები

2017 წლის მიზნობრივი კვლევებისა და განვითარების ინიციატივების პროგრამის ფარგლებში გამოცხდებული სახელმწიფო სამეცნიერო საგრანტო კონკურსის შედეგები

16/03/2018 16:20
გენერალური დირექტორის ბრძანება გამარჯვებული პროექტების დამტკიცების შესახებ გთხოვთ, გაითვალისწინოთ გენერალური დირექტორის ბრძანებით განსაზღვრული დოკუმენტების ვადის დარღვევით წარმოდგენის შემთხვევაში გამარჯვებულ აპლიკანტებთან საგრანტო ხელშეკრულება არ გაფორმდება!
სრულად
http://rustaveli.org.ge/images/NEWS/IMG_9702.JPG
16/03/2018 14:26

საქართველოს განათლებისა და მეცნიერების მინისტრის შეხვედრა მეცნიერებთან

16 მარტს, საქართველოს პარლამენტის ეროვნულ ბიბლიოთეკაში გაიმართა  საქართველოს განათლებისა და მეცნიერების მინისტრის შეხვედრა შოთა რუსთაველის საქართველოს ეროვნული სამეცნიერო ფონდის 2017 წლის კონკურსების გამარჯვებულებთან(მეცნიერები, დოქტორანტები, პოსტდოქტორანტები, მაგისტრანტები). შეხვედრის ძირითადი მიზანი იყო საქართველოს მთავრობის მიერ მეცნიერების, ტექნოლოგიებისა და ინოვაციების სისტემის განვითარებისთვის სახელმწიფო ბიუჯეტიდან დაფინანსებული პროექტების შესახებ ინფორმაციის გავრცელება და მეცნიერების პოპულარიზაცია. ღონისძიების კონკრეტულ მიზანს წარმოადგენდა საქართველოს განათლებისა და მეცნიერების მინისტრთან შოთა რუსთაველის ეროვნული სამეცნიერო ფონდის  2017 წლის კონკურსების გამარჯვებულების შეხვედრა, ძირითადი ტენდენციების, დაფინანსებული დარგებისა და ინსტიტუციების წარმოჩენა, არსებული მიღწევებისა და გამოწვევების შესახებ სამეცნიერო საზოგადოების მხრიდან ინფორმაციის მიწოდება და აქტუალურ საკითხებზე დისკუსიის ინიცირება. ღონისძიებას ესწრებოდნენ: საქართველოს განათლებისა და მეცნიერების მინისტრის მოადგილე ალექსანდრე თევზაძე, საქართველოს პარლამენტის განათლების, მეცნიერებისა და კულტურის კომიტეტის თავმჯდომარე, მარიამ ჯაში და  დიპლომატიური კორპუსის წარმომადგენლები.   საქართველოს მთავრობის სამეცნიერო საზოგადოებასთან შეხვედრა ხელს შეუწყობს ქვეყნის მეცნიერების, ტექნოლოგიებისა და ინოვაციების სისტემაში მიმდინარე პროგრესული ცვლილებებისა და მიღწევების გასაჯაროებას, ფართო საზოგადოებისათვის ინფორმაციის მიწოდებას, ქვეყნის სოციალურ-ეკონომიკური განვითარებისთვის მეცნიერების, ტექნოლოგიებისა და ინოვაციების სისტემის როლის ხაზგასმას, სამეცნიერო კვლევებით არასახელმწიფო სექტორის დაინტერესებასა და პოტენციური ინვესტორების მოზიდვის წახალისებას. ღონისძიება გახსნა საქართველოს განათლებისა და მეცნიერების მინისტრმა, ბატონმა მიხეილ ჩხენკელმა, რომელმაც ისაუბრა - განათლებისა და მეცნიერების განახლებული სტრატეგიასა და სამინისტროს გეგმებზე. დამსწრე საზოგადოების წინაშე პრეზენტაციით წარდგა შოთა რუსთაველის საქართველოს ეროვნული სამეცნიერო ფონდის გენერალური დირექტორი, ქალბატონი მანანა მიქაბერიძე, რომელმაც მიმოიხილა 2017 წლის საგრანტო კონკურსები და ისაუბრა სამომავლო გეგმებზე. გამომსვლელთა შემდეგ გაიმართა დისკუსია, რომელსაც უძღვებოდა საქართველოს განათლებისა და მეცნიერების მინისტრის მოადგილე, ბატონი ალექსანდრე თევზაძე. დამსწრე საზოგადოებას საშუალება ჰქონდა  დაესვა შეკითხვები საჭირბოროტო საკითხებზე.   დარბაზში პარალელურად წარმოდგენილი იყო მცირე გამოფენა ფონდის გამარჯვებული პროექტების ფარგლებში შესრულებული აკადემიური და სამეცნიერო გამოცემების შესახებ. იხილეთ პრეზენტაცია
სრულად
http://rustaveli.org.ge/images/NEWS/IMG_3803.JPG
16/03/2018 09:22

„მეცნიერება იწყება სკოლიდან – კვლევები მოსწავლეთა მონაწილეობით“ 2018 წლის კონკურსში მეცნიერთა ჩართულობა

საქართველოს მეცნიერებმა გამოხატეს მზაობა ითანამშრომლონ და კონსულტაცია გაუწიონ შოთა რუსთაველის საქართველოს ეროვნულ სამეცნიერო ფონდის სახელმწიფო სამეცნიერო  საგრანტო კონკურსში – „მეცნიერება იწყება სკოლიდან – კვლევები მოსწავლეთა მონაწილეობით“ მონაწილე პროექტის ხელმძღვანელებს, პედაგოგებსა და მოსწავლეებს.   იხ. მეცნიერთა შესახებ მონაცემები
სრულად
http://rustaveli.org.ge/images/NEWS/IMG_9808.JPG
16/03/2018 09:20

საკონსულტაციო შეხვედრა

2018 წლის 16  მარტს, 16:00 საათზე, შოთა რუსთაველის საქართველოს ეროვნული სამეცნიერო ფონდის საკონფერენციო დარბაზში,  გაიმართა კონკურსის ,,კვლევები მოსწავლეთა მონაწილეობით“ რიგით მეორე   საჯარო კონსულტაცია. საკონსულტაციო შეხვედრაზე მოსულ საზოგადოებას განემარტა საგრანტო პროექტის წესი, პირობები და კონკურსის კოორდინატორმა  უპასუხა მათ შეკითხვებს.
სრულად
http://rustaveli.org.ge/images/2017%20AUGUST/IMG/ResInternet(1).jpg
15/03/2018 16:54

დაიწყო საქართველოს შემსწავლელი მეცნიერებების კონფერენციის საგრანტო კონკურსზე რეგისტრაცია

საქართველოს შემსწავლელი მეცნიერებების კონფერენციის 2018 წლის საგრანტო კონკურსზე საპროექტო განაცხადების ელექტრონული რეგისტრაცია დაიწყო. რეგისტრაციისთვის გადადით   ბმულზე . რეგისტრაცია გაგრძელდება 28 მარტის 16:00 საათამდე. ელექტრონული რეგისტრაციის ინსტრუქციის გასაცნობად გადადით   ბმულზე . 
სრულად
http://rustaveli.org.ge/images/H2020%202018/pgh2020.jpg
15/03/2018 10:27

ფონდი აცხადებს „ევროკავშირის კვლევისა და ინოვაციის ჩარჩო პროგრამა „ჰორიზონტი 2020“-ში საქართველოს მეცნიერთა მონაწილეობის ხელშეწყობის“ 2018 წლის საგრანტო კონკურსს

კონკურსის ს ახელწოდება: „ევროკავშირის კვლევისა და ინოვაციის ჩარჩო პროგრამა „ჰორიზონტი 2020“-ში საქართველოს მეცნიერთა მონაწილეობის ხელშეწყობის“ საგრანტო კონკურსი კონკურსის აბრევიატურა: H2020 PG კონკურსის კოორდინატორები: მარიამ ქებურია                                                             თამთა შკუბულიანი                                                             ნინო ბიწაძე                                                             მეგი ქარცივაძე საკონტაქტო ინფორმაცია: H2020@rustaveli.org.ge კონკურსის მიზანი: ა) საქართველოს მეცნიერების ინტერნაციონალიზაციის ხელშეწყობა, ევროკავშირის კვლევისა და ინოვაციის ჩარჩო პროგრამა „ჰორიზონტი 2020“-ში საქართველოს სამეცნიერო საზოგადოების ჩართულობის მხარდაჭერა; ბ) მაღალი ხარისხის საერთაშორისო სამეცნიერო პროექტებში, ღონისძიებებსა და საერთაშორისო კონსორციუმებში გაერთიანებისათვის საქართველოს მეცნიერთათვის ხელშემწყობი პირობების შექმნა; გ) საქართველოს მეცნიერთათვის საერთაშორისო სამეცნიერო კონკურსებისათვის საპროექტო წინადადებების მომზადებასთან დაკავშირებული შესაძლებლობების განვითარება. კონკურსის ქვე-მიმართულებები: I ლოტი - ევროკავშირის კვლევისა და ინოვაციის ჩარჩო პროგრამა „ჰორიზონტი 2020“-ში წარსადგენი საპროექტო წინადადების მოსამზადებელი გრანტი, (პროექტის მაქსიმალური ბიუჯეტი: 25 000 ლარი); II ლოტი - გრანტი ფართომასშტაბიან სამეცნიერო საშუამავლო ღონისძიების ორგანიზებისათვის (პროექტის მაქსიმალური ბიუჯეტი: 60 000 ლარი); III ლოტი - საზღვარგარეთ ფართომასშტაბიან საშუამავლო ღონისძიებაში მონაწილეობისათვის საქართველოს მეცნიერთა მობილობის გრანტი (პროექტის მაქსიმალური ბიუჯეტი: 2 000 ევროს ექვივალენტი ლარში). საპროექტო განაცხადის ტიპი: ინსტიტუციური/ინდივიდუალური კონკურსის ადმინისტრირების ვადები: ა)  2018 წლის 15 მარტი  - კონკურსის გამოცხადება; ბ)  2018 წლის 12 აპრილი და 20 აპრილი 16:00 სთ   - ჯგუფური კონსულტაციები;  გ)  2018 წლის 25 აპრილი  - ელექტრონულ ფოსტაზე შეკითხვების გამოგზავნის ბოლო ვადა; დ)  2018 წლის 11 აპრილიდან 30 აპრილის 16:00 სთ-მდე  - პროექტების ელექტრონული რეგისტრაციის ვადები GMUS-ში; ე)  2018 წლის 3 მაისი, 16:00 საათი  - ფონდის კანცელარიაში კონკურსში მონაწილეობის შესახებ განცხადების წარდგენის ბოლო ვადა;    ვ)  2018 წლის მაისი  - რეგისტრირებული პროექტების კონკურსის პირობებთან და მოთხოვნებთან შესაბამისობის დადგენა; ზ)  2018 წლის მაისი - ივნისი -  კონკურსის პირობების დაცვით რეგისტრირებული პროექტების შეფასება და გამარჯვებულთა გამოვლენა და ფონდის გენერალური დირექტორის ინდივიდუალური ადმინისტრაციულ-სამართლებრივი აქტით დამტკიცება; თ)  2018 წლის ივნისი  - კონკურსის შედეგების გამოქვეყნება; ი)  2018 წლის ივნისი  - გამარჯვებული პროექტ(ებ)ის წამყვან და თანამონაწილე (ასეთის არსებობის შემთხვევაში) ორგანიზაციასთან, ძირითად პერსონალთან და მეცნიერთან საგრანტო ხელშეკრულებების გაფორმება. კონკურსის მარეგულირებელი დოკუმენტები: საქართველოს განათლებისა და მეცნიერების მინისტრის 2017 წლის 15 დეკემბრის ბრძანება № 197/ნ სსიპ შოთა რუსთაველის საქართველოს ეროვნული სამეცნიერო ფონდის გენერალური დირექტორის ბრძანება №30 კონკურსის პროგრამა და პირობები (დანართი 1) შეფასების კრიტერიუმები ბიუჯეტის კლასიფიკატორი (დანართი 23) პროექტის მომზადებისათვის საჭირო დანართები და მასალები I ლოტი - მოსამზადებელი გრანტი პროექტის თავფურცელი (დანართი 2); საპროექტო წინადადება (დანართი 3) GEO / ENG ; პროექტში ძირითადი პერსონალის სტატუსით ჩართული უცხო ქვეყნის მოქალაქის (ასეთის არსებობის შემთხვევაში) თანხმობის წერილი პროექტში მონაწილეობის შესახებ - Letter of Commitment (დანართი 4) ; პროექტის განხორციელების გეგმა-გრაფიკი (დანართი 5) GEO / ENG ; პროექტის განხორციელების ბიუჯეტი (დანართი 6) GEO / ENG ; ცნობა თანადაფინანსების შესახებ (ასეთის არსებობის შემთხვევაში) (დანართი 7) GEO / ENG ; პროექტის წარმომდგენი ფიზიკური პირების ერთობლივი „განცხადება კონკურსში მონაწილეობის შესახებ“ (ნიმუში)  (დანართი 8); პროფესიული ავტობიოგრაფია (CV) ნიმუში.  (დანართი 9). II ლოტი - გრანტი საშუამავლო ღონისძიების ორგანიზებისთვის პროექტის თავფურცელი (დანართი 10); საპროექტო წინადადება (დანართი 11) GEO / ENG; პროექტში ძირითადი პერსონალის სტატუსით ჩართული უცხო ქვეყნის მოქალაქის (ასეთის არსებობის შემთხვევაში) თანხმობის წერილი პროექტში მონაწილეობის შესახებ - Letter of Commitment (დანართი 12); პროექტის განხორციელების გეგმა-გრაფიკი (დანართი 13) GEO / ENG; პროექტის განხორციელების ბიუჯეტი (დანართი 14) GEO / ENG; ცნობა თანადაფინანსების შესახებ (ასეთის არსებობის შემთხვევაში (დანართი 15) GEO / ENG; პროექტის წარმომდგენი ფიზიკური პირების ერთობლივი „განცხადება კონკურსში მონაწილეობის შესახებ“ (ნიმუში)  (დანართი 16); პროფესიული ავტობიოგრაფია (CV) ნიმუში (დანართი 9). III ლოტი - მობილობის გრანტი პროექტის თავფურცელი (დანართი 17); საპროექტო წინადადება (დანართი 18) GEO / ENG; პროექტის განხორციელების გეგმა-გრაფიკი (დანართი 19) GEO / ENG; პროექტის განხორციელების ბიუჯეტი (დანართი 20) GEO / ENG; ცნობა თანადაფინანსების (ასეთის არსებობის შემთხვევაში) (დანართი 21) GEO / ENG; პროექტის წარმომდგენი პირის „განცხადება კონკურსში მონაწილეობის შესახებ“ (ნიმუში)  (დანართი 22); პროფესიული ავტობიოგრაფია (CV) (ნიმუში) დანართი 9.   ელექტრონული რეგისტრაციის ბმულები: გრანტების მართვის ერთიანი სისტემა (GMUS) - პროექტების რეგისტრაციისათვის (გაიხსნება 2018 წლის 11 აპრილს) ელექტრონული რეგისტრაციის ინსტრუქცია ( ბმული )   მნიშვნელოვანია: პროექტის მომზადებისას გაეცნოთ როგორც მინისტრის ბრძანებას, ასევე დირექტორის ბრძანებით დამტკიცებულ კონკურსის პირობებსა და დანართებს; დანართები, რომლებიც მოცემულია ნიმუშის სახით, ივსება გრანტების მართვის ერთიან სისტემაში (GMUS) ელექტრონული რეგისტრაციის დროს; ჩატარდება მხოლოდ ჯგუფური კონსულტაციები; შეკითხვების გამოგზავნა შესაძლებელია 25/04/2018- მდე მოცემულ ელ. ფოსტაზე: h2020@rustaveli.org.ge     ფონდი გისურვებთ წარმატებებს!      
სრულად
http://rustaveli.org.ge/images/NEWS/IMG_9663.JPG
12/03/2018 09:17

საკონსულტაციო შეხვედრა

2018 წლის 12 მარტს, 14:00 საათზე შოთა რუსთაველის საქართველოს ეროვნული სამეცნიერო ფონდის საკონფერენციო დარბაზში, გაიმართა საინფორმაციო შეხვედრა საქართველოს შემსწავლელი მეცნიერებების კონფერენციის 2018 წლის საგრანტო კონკურსში მონაწილეობის მსურველთათვის. შეხვედრაზე დაინტერესებულ მხარეებს, ფონდის თანამშრომლებმა მიაწოდეს დეტალური ინფორმაცია - კონკურსის წესის, პირობების შესახებ და უპასუხეს დამსწრეთა კითხვებს.
სრულად
http://rustaveli.org.ge/images/NEWS/IMG_9633.JPG
09/03/2018 13:37

საკონსულტაციო შეხვედრა

2018 წლის 9 მარტს, 12:00 საათზე შოთა რუსთაველის საქართველოს ეროვნული სამეცნიერო ფონდის საკონფერენციო დარბაზში, გაიმართა საინფორმაციო შეხვედრა მაგისტრანტთა სასწავლო-კვლევითი პროექტების საგრანტო კონკურსის გამარჯვებულებთან. შეხვედრაზე დაინტერესებულ მხარეებს ფონდის თანამშრომლებმა მიაწოდეს დეტალური ინფორმაცია პროექტების განხორციელების და ფონდთან ანგარიშგების საკითხებთან დაკავშირებით.
სრულად
http://rustaveli.org.ge/images/NEWS/images%20(2).jpg
07/03/2018 17:53

ფონდი აცხადებს 2018 წლის სახელმწიფო საგრანტო კონკურს საქართველოში და საზღვარგარეთ არსებული ქართული მატერიალური და სულიერი მემკვიდრეობის სამეცნიერო კვლევისათვის

კონკურსის სახელწოდება სახელმწიფო საგრანტო კონკურსი საქართველოში და საზღვარგარეთ არსებული ქართული მატერიალური და სულიერი მემკვიდრეობის სამეცნიერო კვლევისათვის კონკურსის აბრევიატურა HE კონკურსის მიზანი ხელი შეუწყოს საქართველოში და მის ფარგლებს გარეთ არსებული ქართული ისტორიული ძეგლების, კულტურული მემკვიდრეობის ნიმუშების, წერილობითი და სხვა სახის წყაროების, საარქივო მასალის, ეთნოგრაფიული მონაცემების მოძიებას, აღრიცხვასა და სისტემატიზაციას, მათ მაღალ სამეცნიერო დონეზე შესწავლას, ქართველი ერის ინტელექტუალური და ნივთიერი მემკვიდრეობის კვლევის პოპულარიზაციას და ახალგაზრდა სამეცნიერო კადრების მოზიდვას ამ სამეცნიერო დარგში. საპროექტო განაცხადი ტიპი ინსტიტუციური     კონკურსის ძირითადი პირობები ერთი პროექტის მაქსიმალური ბიუჯეტი წელიწადში: • 100 000 ლარი საზღვარგარეთ განხორცილებული კვლევითი პროექტისათვის • 70 000 ლარი საქართველოს ტერიტორიაზე განხორციელებული კვლევითი პროექტისათვის პროექტის განხორციელების პერიოდი: 24 ან 36 თვე კონკურსის ადმინისტრირების გრაფიკი გამოცხადების თარიღი: 7 მარტი, 2018 ჯგუფური კონსულტაციების თარიღები: 23 მარტი, 2018 16:00 სთ. (რეგისტრაციის ფორმა) 10 აპრილი, 2018 16:00 სთ. (რეგისტრაციის ფორმა) შეკითხვების გამოგზავნის ბოლო ვადა: 11 აპრილი, 2018 ელექტრონული რეგისტრაციის გახსნა: 3 აპრილი, 2018 რეგისტრაციის ბოლო ვადა: ელექტრონული 16 აპრილი, 2018 16:00 სთ. კანცელარიაში 17 აპრილი, 2018 16:00 სთ. კონკურსის მარეგულირებელი დოკუმენტები • საქართველოს განათლებისა და მეცნიერების მინისტრის 2011 წლის 29 ივლისის №129/ნ ბრძანება • ფონდის გენერალური დირექტორის 2018 წლის 7 მარტის N27 ბრძანება • ბიუჯეტის კლასიფიკატორი • შეფასების კრიტერიუმები პროექტის მომზადებისათვის საჭირო დანართები და მასალები • კონკურსის პირობები (დანართი 1) • პროექტის თავფურცელი (დანართი 2) ნიმუში • საპროექტო წინადადება (დანართი 3) GEO / ENG • ძირითადი პერსონალის პროფესიული ბიოგრაფია - CV (დანართი 4) ნიმუში • ძირითადი პერსონალის სტატუსით ჩართული უცხო ქვეყნის მოქალაქის (ასეთის არსებობის შემთხვევაში) თანხმობის წერილი პროექტში მონაწილეობაზე - Letter of Personal Commitment (დანართი 5) • პროექტის განხორციელების გეგმა-გრაფიკი (დანართი 6) GEO / ENG • პროექტის განხორციელების ბიუჯეტი (დანართი 7) ნიმუშები GEO / ENG • ცნობა თანადაფინანსების შესახებ (ასეთის არსებობის შემთხვევაში) (დანართი 8) GEO / ENG • ხშირად დასმული კითხვები ელექტრონული რეგისტრაციის ლინკები გრანტების მართვის ერთიანი სისტემა - პროექტების რეგისტრაციისათვის (გაიხსნება 3 აპრილს) ელექტრონული რეგისტრაციის ინსტრუქცია (ლინკი) მნიშვნელოვანი ინფორმაცია განმცხადებლებისთვის: • პროექტის მოსამზადებლად აუცილებელია დეტალურად გაეცნოთ როგორც მინისტრის ბრძანებასს, ასევე დირექტორის ბრძანებით დამტკიცებულ პირობებსა და შესაბამის დანართებს; • დანართები, რომლებიც მოცემულია ნიმუშის სახით ივსება გრანტების მართვის ერთიან სისტემაში GMUS-ში ელექტრონული რეგისტრაციის დროს; • ჩატარდება მხოლოდ ჯგუფური კონსულტაციები; • დამატებუთი კითხვების არსებობის შემთხვევაში, შესაძლებელია შეკითხვების გამოგზავნა ელ. ფოსტით he@rustaveli.org.ge 11/04/2018 - მდე. კითხვებზე პასუხის განახლებული დოკუმენტი აიტვირთება და განახლდება ყოველ პარასკევს, კონკურსის ბოლო ვადამდე. კოორდინატორები: ლანა დავითულიანი ხათუნა არაბული ვაჟა ლომიძე საკონტაქტო ინფორმაცია: he@rustaveli.org.ge     ფონდი გისურვებთ წარმატებებს!  
სრულად
http://rustaveli.org.ge/images/NEWS/pic%20picture.jpg
07/03/2018 16:19

2017 წლის ერთობლივი სამეცნიერო საგრანტო კონკურსის (CNRS PICS) შედეგები

საფრანგეთის სამეცნიერო კვლევების ეროვნული ცენტრისა (CNRS) და სსიპ შოთა რუსთაველის ეროვნული სამეცნიერო ფონდის 2017 წლის ერთობლივი სამეცნიერო საგრანტო კონკურსის - „საერთაშორისო სამეცნიერო თანამშრომლობის პროექტის“ (The International Scientific Cooperation Project - PICS)  ფარგლებში საქართველოს მეცნიერთა ჯგუფის მონაწილობით საკონკურსოდ წარმოდგენილი იყო ორი განაცხადი, რომლებიც შეფასდა საფრანგეთსა და საქართველოში, დარგის დამოუკიდებელი ექსპერტებისგან დაკომპლექტებული კომისიების მიერ. მხარეთა მიერ დასაფინანსებლად შერჩეულ იქნა საქართველოს ეროვნული მუზეუმიდან წარმოდგენილი პროექტი სახელწოდებით „უკანასკნელ ნეანდერტალელთა და პირველ ანატომიურად თანამედროვე ადამიანთა განსახლება საქართველოში.“  საფრანგეთის სამეცნიერო კვლევების ეროვნული ცენტრისა (CNRS) და სსიპ შოთა რუსთაველის ეროვნული სამეცნიერო ფონდის ერთობლივი სამეცნიერო საგრანტო კონკურსის - „საერთაშორისო სამეცნიერო თანამშრომლობის პროექტის“ ( The International Scientific Cooperation Project - PICS ) მიზანია საფრანგეთისა და საქართველოს მეცნიერთა ჯგუფებს შორის უკვე არსებული თანამშრომლობის გაღრმავება. პროგრამით დაფინანსებული პროექტის ხანგრძლივობა 3 წელია. მომდევნო  The International Scientific Cooperation Project - PICS  კონკურსი გამოცხადდება 2018 წლის აპრილში.
სრულად