სიახლეები
http://rustaveli.org.ge/images/2018%20clis%20konkursebi/FR%202018/FR-surati.jpg
09/07/2018 10:43

საკონსულტაციო დღეების განრიგი - ფუნდამენტური კვლევებისათვის სახელმწიფო სამეცნიერო გრანტების კონკურსი

იხილეთ  ფუნდამენტური კვლევებისათვის სახელმწიფო სამეცნიერო გრანტების კონკურსის ფარგლებში დაგეგმილი საკონსულტაციო დღეების განრიგი:   11 ივლისს, ოთხშაბათს, 16 საათზე საკონსულტაციო შეხვედრა გაიმართება საქართველოს ტექნიკური უნივერსიტეტის ადმინისტრაციული კორპუსის გ. ნიკოლაძის დარბაზში, III სართული. 13 ივლისს, პარასკევს, 16 საათზე საკონსულტაციო შეხვედრა გაიმართება ივ. ჯავახიშვილის სახელობის თბილისის სახელმწიფო უნივერსიტეტის I კორპუსის 107-ე აუდიტორიაში. 13 ივლისს, პარასკევს, 11, 12 და 13 საათებზე გაიმართება GMUS- ში პროექტის რეგისტრაციის საკონსულტაციო შეხვედრა ფონდის საკონფერენციო დარბაზში, მ. ალექსიძის N 2, II სართული საინფორმაციო შეხვედრებზე დასწრებისათვის, გთხოვთ, შეავსოთ   სარეგისტრაციო ფორმა.
სრულად
http://rustaveli.org.ge/images/NEWS/IMG_0945.JPG
09/07/2018 10:38

საკონსულტაციო შეხვედრა

2018 წლის 6 ივლისს, პარასკევს, 16 საათზე გაიმართა ფუნდამენტური კვლევებისათვის სახელმწიფო სამეცნიერო გრანტების კონკურსის საკონსულტაციო დღე ილიას სახლემწიფო უნივერსიტეტის B კორპუსის 201-ე აუდიტორიაში, II სართული (ჭავჭავაძის 32). საკონსულტაციო შეხვედრაზე მოსულ საზოგადოებას განემარტა საგრანტო პროექტის წესი, პირობები და კონკურსის კოორდინატორებმა  უპასუხეს მათ შეკითხვებს.
სრულად
http://rustaveli.org.ge/images/NEWS/IMG_0952_1.JPG
09/07/2018 09:44

სამუშაო შეხვედრა Clarivate Analytics-ის წარმომადგენელთან

9 ივლისს, შოთა რუსთაველის საქართველოს ეროვნული სამეცნიერო ფონდის(SRNSFG) გენერალური დირექტორის მოადგილე, ჯაბა სამუშია შეხვდა საერთაშორისო ელექტრონული გამომცემლობის Clarivate Analytics საგანმანათლებლო პროგრამების განყოფილების ხელმძღვანელს,  ვალენტინ ბოგოროვს. შეხვედრაზე განიხილეს თანამშრომლობის სხვადასხვა დეტალი. შეგახსენებთ, რომ  საერთაშორისო ელექტრონული გამომცემლობა Clarivate Analytics-სა და ფონდს შორის გაფორმებული შეთანხმების საფუძველზე 14 ინსტიტუციისგან შემდგარი კონსორციუმისთვის (კონსორციუმში შედიან სახელმწიფო და კერძო უნივერსიტეტები, საქართველოს მეცნიერებათა ეროვნული აკადემია და საქართველოს სოფლის მეურნეობის მეცნიერებათა აკადემია) Clarivate Analytics-ის ბაზებზე (Web of Science-სა და Derwent Innovation) წვდომა  განხორციელდა.
სრულად
http://rustaveli.org.ge/images/2017%20AUGUST/IMG/ai-ia-anchisxatis-ornamenti.jpg
06/07/2018 16:41

2018 წლის „საქართველოს შემსწავლელი მეცნიერებების კონფერენციის საგრანტო კონკურსის“ შედეგები

  კომისიამ განიხილა კონკურსში მონაწილე საპროექტო განაცხადები და შეაფასა საქართველოს განათლებისა და მეცნიერების მინისტრის 2016 წლის 9 ივნისის N57/ნ ბრძანებით დადგენილი შეფასების კრიტერიუმების შესაბამისად, შეადგინა რანჟირებული სია და გამარჯვებულად  გამოავლინა 3 პროექტი: კომისიის მიერ შეფასებული პროექტები გენერალური დირექტორის ბრძანება
სრულად
http://rustaveli.org.ge/images/2017%20AUGUST/IMG/images%20(2)_1.jpg
06/07/2018 16:41

2018 წლის სახელმწიფო სამეცნიერო საგრანტო კონკურსის „სახელმწიფო გრანტი საქართველოში და საზღვარგარეთ არსებული ქართული მატერიალური და სულიერი მემკვიდრეობის სამეცნიერო კვლევისათვის“ შედეგები

კომისიამ განიხილა კონკურსში მონაწილე საპროექტო განაცხადები და შეაფასა საქართველოს განათლებისა და მეცნიერების მინისტრის 2011 წლის 29 ივლისის N129/ნ ბრძანებით დადგენილი შეფასების კრიტერიუმების შესაბამისად, შეადგინა რანჟირებული სია და გამარჯვებულად გამოავლინა 6 პროექტი: კომისიის მიერ შეფასებული პროექტები გენერალური დირექტორის ბრძანება გამარჯვებულებმა გთხოვთ, წარმოადგინოთ სსიპ - შოთა რუსთაველის საქართველოს ეროვნული სამეცნიერო ფონდის კანცელარიაში არაუგვიანეს 2018 წლის 13 ივლისის 17:00 საათამდე  ფონდის გენერალური დირექტორის ბრძანებით დამტკიცებული დოკუმენტები. გთხოვთ, გაითვალისწინოთ დოკუმენტების ვადის დარღვევით წარმოდგენის შემთხვევაში გამარჯვებულ აპლიკანტებთან საგრანტო ხელშეკრულება არ გაფორმდება!  
სრულად
http://rustaveli.org.ge/images/NEWS/IMG_0914.JPG
06/07/2018 14:48

ფონდსა და საინფორმაციო სააგენტოს - „ნიუ პოსტ“ შორის ურთიერთთანამშრომლობის მემორანდუმი გაფორმდა

სსიპ შოთა რუსთაველის საქართველოს ეროვნულ სამეცნიერო ფონდსა(SRNSFG) და საინფორმაციო სააგენტოს - „ნიუ პოსტ“ შორის, მეცნიერების პოპულარიზაციის მიზნით, ურთიერთთანამშრომლობის მემორანდუმი გაფორმდა. მხარეები შეთანხმდნენ, რომ მნიშვნელოვანია საქართველოს საზოგადოება ინფორმირებული იყოს ქვეყნის მეცნიერთა მიღწევებზე. ფონდის საქმიანობა ეფუძნება საქართველოში ინოვაციური, საერთაშორისო სტანდარტების შესაბამისი ხარისხის მეცნიერული კვლევების განვითარებას, სამეცნიერო კვლევების ინტერნაციონალიზაციას, ახალგაზრდა მეცნიერთა კვლევით საქმიანობას, მეცნიერების პოპულარიზაციასა და საქართველოს მეცნიერთა და ახალგაზრდა მკვლევართა ინტეგრირებას საერთაშორისო სამეცნიერო სივრცეში. ფონდში დაგროვილი ინფორმაცია საქართველოს მეცნიერთა წარმატებების შესახებ ფართო საზოგადოებისთვის ნაკლებადაა ცნობილი. შესაბამისად, საინფორმაციო სააგენტოსთან  „ნიუ პოსტ“ თანმშრომლობა ხელს შეუწყობს მეცნიერების მეცნიერების პოპულარიზაციას.
სრულად
http://rustaveli.org.ge/images/NEWS/ai-ia-anchisxatis-ornamenti_1.jpg
05/07/2018 11:39

2018 წლის საქართველოს შემსწავლელი მეცნიერებების კონფერენციის საგრანტო კონკურსით დაინტერესებულთათვის!

"2018 წლის საქართველოს შემსწავლელი მეცნიერებების კონფერენციის საგრანტო კონკურსის გამოცხადების შესახებ" სსიპ შოთა რუსთაველის საქართველოს ეროვნული სამეცნიერო ფონდის გენერალური დირექტორის 2018 წლის 22 თებერვლის N24 ბრძანებაში ცვლილების შეტანის შესახებ იხ. ბრძანება
სრულად
http://rustaveli.org.ge/images/2018%20clis%20konkursebi/FR%202018/FR-surati.jpg
03/07/2018 12:07

საკონსულტაციო დღე - ფუნდამენტური კვლევებისათვის სახელმწიფო სამეცნიერო გრანტების კონკურსი

6 ივლისს, პარასკევს, 16 საათზე გაიმართება ფუნდამენტური კვლევებისათვის სახელმწიფო სამეცნიერო გრანტების კონკურსის საკონსულტაციო დღე ილიას სახლემწიფო უნივერსიტეტის B კორპუსის 201-ე აუდიტორიაში, II სართული (ჭავჭავაძის 32). საინფორმაციო შეხვედრაზე დასწრებისათვის, გთხოვთ, შეავსოთ სარეგისტრაციო ფორმა.
სრულად
http://rustaveli.org.ge/images/grantiorta%20aqtivobebi/1212_1.jpg
02/07/2018 14:58

„ტაო-კლარჯეთის მწიგნობრული მემკვიდრეობა“

2018 წლის  28 ივნისს ,საქართველოს პარლამენტის ეროვნული ბიბლიოთეკის საკონფერენციო დარბაზში,  გაიმართა ხელნაწერთა ეროვნული ცენტრის დაარსების 60 წლისთავისადმი მიძღვნილი საერთაშორისო კონფერენცია: „ქართული ხელნაწერი მემკვიდრეობა“, სადაც   წარმოდგენილი იყო შოთა რუსთაველის საქართველოს ეროვნული სამეცნიერო ფონდის მიერ დაფინანასებული საგრანტო ნაშრომის „ ტაო - კლარჯეთის მწიგნობრული მემკვიდრეობა“ პრეზენტაცია. საგრანტო პროექტის სამეცნიერო ხელმძღვანელი გახლავთ: მზია სურგულაძე, მონაწილენი: ნესტან ჩხიკვაძე, მაია კარანაძე, ლელა შათირიშვილი, ნიკოლოზ ჟღენტი, ეთერ ედიშერაშვილი. ნაშრომის წარდგენის დროს, მომხსენებელმა აუდიტორიას გააცნო სამეცნიერო ლიტერატურაში დამკვიდრებული პირობითი სახელწოდების – ტაო-კლარჯეთი –ფართო ისტორიულ-გეოგრაფიული კონტექსტი და ამ რეგიონიდან ჩვენამდე მოღწეული ტექსტების (მწიგნობრული მემკვიდრეობის) სრული შინაარსობრივი სპექტრი. ტაოკლარჯული მწიგნობრული მემკვიდრეობა პოლიტიკური  და კულტურული ფაქტორების   ურთიერთქმედების საფუძველზე ნაშრომში დაყოფილია IX-X, XI-XIII და XIV-XVI საუკუნეების პერიოდებად. ცალკეულ თავებში ცალ-ცალკეა დაჯგუფებული და გაანალიზებული თითოეული პერიოდის ხელნაწერული მასალა. ფუნქციის მიხედვით ტაოკლარჯული ტექსტების მთლიანი მოცულობა იყოფა საეკლესიო ლიტერატურის ნიმუშებად და სამართლის ძეგლებად. ტაო-კლარჯეთის  ლიტერატურული ცხოვრების  აღმავლობის პერიოდია IX-X საუკუნეები, როდესაც რეგიონში ბერმონაზვნური მოძრაობის შედეგად დაარსდა მრავალი სამონასტრო ცენტრი,  რომლებშიც ქრისტიანული აღმოსავლეთისა და კონსტანტინოპოლის სამონასტრო ცენტრებთან მჭიდრო კავშირში მიმდინარეობდა ინტენსიური ლიტერატურული საქმიანობა. ამ პერიოდიდანაა ჩვენთვის ცნობილი საუკეთესო  ტაოკლარჯული ხელნაწერები: ბიბლიის წიგნები, ჰიმნოგრაფიული, ასკეტიკური და სასწავლო დანიშნულების კრებულები, ჟანრობრივად შერეული „მრავალთავები“, – ყველა ესენი შეიცავენ   ძველი და ახალი ათთქმის წიგნებს, ჰომილეტიკურ, პატრისტიკულ, აპოკრიფულ,  აგიოგრაფიულ, ეგზეგეტურ და ისტორიულ თხზულებებს.  შემდგომ საუკუნეებში ტაო-კლარჯეთი საზრდოობს ათონიდან და სხვა უცხოური კერებიდან წამოსული ლიტერატურული პროდუქციით, ხოლო სამცხე-საათაბაგოს  პერიოდში (XIV-XVI სს.), ლიტერატურულ- შემოქმედებითი იმპულსები წყდება, სამაგიეროდ მატულობს სამართლებრივი შინაარსის ტექსტები,  რომლებიც სამთავროს დამოუკიდებელ პოლიტიკურ მისწრაფებებს ასახავენ. ნაშრომის სულ ბოლო თავში ტექსტები წარმოდგენილია სხვადასხვა ჟანრის  ნაწარმოებთა და იურიდიულ დოკუმენტთა ის ნიმუშები, რომლებიც მკითხველს წარმოდგენას შეუქმნის საქართველოს ამ ისტორიული მხარის კულტურულ ცხოვრებაზე და პოლიტიკურ პერიპეტიებზე.
სრულად
http://rustaveli.org.ge/images/grantiorta%20aqtivobebi/111_2.jpg
02/07/2018 14:38

“კლინიკური ეთიკის კომიტეტების საქმიანობა ჰოსპიტალურ დაწესებულებებში“

2018 წლის 29 ივნისს, ივანე ჯავახიშვილის სახელობის თბილისის სახელმწიფო უნივერსიტეტში გაიმართა სამუშაო შეხვედრა, რომლის მიზანიც იყო შოთა რუსთაველის ეროვნული სამეცნიერო ფონდის ახალგაზრდა მეცნიერთა კვლევითი გრანტის ფარგლებში მკვლევარის, მედიცინის დოქტორის ნატო ფიცხელაურის მიერ ჩატარებული კვლევის: “კლინიკური ეთიკის კომიტეტების საქმიანობა ჰოსპიტალურ დაწესებულებებში“ შედეგების პრეზენტაცია და წარმოდგენილი სამოქმედო გეგმის დახვეწა. აღსანიშნავია, რომ ახალგაზრდა მეცნიერის მიერ  კვლევის შედეგები რამდენიმე დღის წინ წარდგენილი იქნა ოქსფორდის უნივერსიტეტში (დიდი ბრიტანეთი) საერთაშორისო კონფერენციაზე ,,ICCEC 2018: კლინიკური ეთიკა ტრანსლიაციაში: პრაქტიკის კავშირი კვლევასთან, სწავლებასა და პოლიტიკასთან’. სამუშაო შეხვედრაში მონაწილეობა მიიღეს თსუ მედიცინის ფაკულტეტის სამედიცინო ეთიკის კათედრის წევრებმა, ექსპერტებმა ბიოეთიკის დარგში. პრეზენტაციაზე წარდგენილი იქნა საქართველოს ჰოსპიტალურ დაწესებულებებში კლინიკური ეთიკის კომიტეტების საქმიანობის რაოდენობრივი და ხარისხობრივი კვლევის შედეგები.  სამუშაო შეხვედრაზე აღინიშნა, რომ კლინიკური ეთიკის კომიტეტების საქმიანობა არ შეფასებულა 2003 წლის შემდეგ, ამდენად მეტად საინტერესო აღმოჩნდა კვლევის შედეგების, კერძოდ ჰოსპიტალურ დაწესებულებებში არსებული კომიტეტის სტრუქტურა და შემადგენლობა, კომიტეტის წევრების გამოცდილება და დარგობრივ  ტრენინგებში მონაწილეობა, კომიტეტის ფუნქციები, კომიტეტების მიერ განხილული შემთხვევების რაოდენობები, იდენტიფიცირებული ეთიკური დილემები და ბარიერები და სხვა.  ხარისხობრივი კვლევის შედეგებზე დაყრდნობით ჩატარებული იქნა SWOT ანალიზი და შემუშავებული იქნა სამოქმედო გეგმა კომიტეტების საქმიანობის ეფექტურობის ამაღლების მიზნით. შეხვედრაზე გაიმართა დისკუსია კვლევის შედებთან და სამოქმედო გეგმასთან დაკავშირებით. ახალგაზრდა მეცნიერმა აღნიშნა, რომ გამოთქმული მოსაზრებები გათვალისწინებული იქნება სამოქმედო გეგმის დასახვეწად და ასევე აისახება მონოგრაფიაში, რომლის პრეზენტაცია და პროექტის შემაჯამებელი ანგარიში წარდგენილი იქნება ფართო სამეცნიერო და სამედიცინო საზოგადოების წინაშე მიმდინარე წლის ბოლოს.    
სრულად