ანონსები
http://rustaveli.org.ge/images/Anonsebi/M%C5%82odzi-Naukowcy-e1459585405778.jpg
15/12/2017 18:27

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას პოლონეთის მთავრობის სტიპენდიის შესახებ

ცხადდება პოლონეთის მთავრობის 2018-2019 წლების სტიპენდიის პროგრამა ახალგაზრდა მეცნიერებისათვის. პროგრამაში მონაწილეობა შეუძლიათ აღმოსავლეთ ევროპის, რუსეთის, ცენტრალური აზიისა და კავკასიის ქვეყნების ახალგაზრდა მეცნიერებს. სტიპენდიები განკუთვნილია კვლევითი ვიზიტებისთვის პოლონეთის უნივერსიტეტებში 2018-2019 აკადემიური წლების განმავლობაში. სტიპენდია განკუთვნილია მონაწილეებისათვის შემდეგი ქვეყნებიდან:  ბელორუსია, უკრაინა, მოლდოვა, რუსეთი, ყაზახეთი, ყირგიზეთი, ტაჯიკეთი, თურქმენეთი, უზბეკეთი, აზერბაიჯანი და საქართველო. კონკურსში მონაწილეობა შეუძლიათ 35 წლამდე ასაკის ბაკალავრის ან მაგისტრის ხარისხის მქონე პირებსა და დოქტორანტებს . ასევე, აუცილებელია პოლონური ენის საბაზისო დონეზე ცოდნა, თუმცა გამონაკლის შემთხვევაში, სტიპენდიანტი გაივლის პოლონური ენის ინტენსიურ კურსს დამატებით.  სტიპენდია მოიცავს 1350 პოლონურ ზლოტს ყოველთვიურად. განაცხადების შეტანის ბოლო ვადაა 2018 წლის 1 მარტი.     დამატებითი ინფორმაცია სტიპენდიის შესახებ, შეგიძლიათ იხილოთ მოცემული ბმულის მეშვეობით.
სრულად
http://rustaveli.org.ge/images/2017%20AUGUST/IMG/spire_1.jpg
14/12/2017 14:34

საინფორმაციო დღე SPIRE-ს კონკურსების შესახებ

2017 წლის 21 დეკემბერს, 16:00 საათზე, შოთა რუსთაველის საქართველოს ეროვნულ სამეცნიერო ფონდში გაიმართება საინფორმაციო შეხვედრა ევროკავშირის კვლევისა და ინოვაციის ჩარჩო პროგრამა „ჰორიზონტი 2020“-ის ფარგლებში გამოცხადებული SPIRE-ის ( Sustainable Process Industry through Resource and Energy Efficiency ) კონკურსების შესახებ. SPIRE- ის კონკურსები გამოცხადებულია ჰორიზონტი 2020-ის ერთ-ერთი სამუშაო პროგრამის „ ნანოტექნოლოგიები, მოწინავე მასალები, ბიოტექნოლოგია, თანამედროვე წარმოება და გადამუშავება” ფარგლებში და მისი მიზანია ევროპული ინდუსტრიული ლიდერობის გაძლიერება გლობალური მასშტაბით გარემოს დაცვის მდგრადი განვითარებისა და ინოვაციური/არატრადიციული ტექნოლოგიების გამოყენების გზით. SPIRE  აერთიანებს ინდუსტრიული პროცესის 8 სექტორს: ცემენტი, კერამიკა, გადამუშავების ინჟინერია, მინერალები და მადნეული, ფერადი მეტალურგია, ფოლადი და წყლის სექტორი. კონკურსის პირობების ამსახველ დოკუმენტში ხაზგასმულია აღმოსავლეთ პარტნიორობის ქვეყნების, მათ შორის, საქართველოს მონაწილეობის მნიშვნელობა. საინფორმაციო დღეზე განხილული იქნება SPIRE -ის 2018 წლის ღია კონკურსები: მატერიალური ნედლეულის გადამუშავება ენერგიის არატრადიციული წყაროების გამოყენებით .  (CE-SPIRE-02-2018: Processing of material feedstock using non-conventional energy sources (IA)); ენერგიისა და რესურსების ეფექტიანი გამოყენება ინდუსტრიაში (CE-SPIRE-03-2018: Energy and resource flexibility in highly energy intensive industries (IA 50% ) ); პლასტმასის შემცველი მასალების ეფექტური გადამუშავების პროცესები (E-SPIRE-10-2018: Efficient recycling processes for plastic containing materials (IA) ) . აღნიშნულ კონკურსებზე განაცხადების წარდგენის ბოლო ვადად განსაზღვრულია  2018 წლის 22 თებერვალი . კონკურსებზე განაცხადების მიღება ხორციელდება „ჰორიზონტი 2020“-ის სტანდარტული სარეგისტრაციო პროცედურის შესაბამისად. დაწვრილებითი ინფორმაციისათვის, შეგიძლიათ იხილოთ სამუშაო პროგრამა (Spire-ს კონკურსები: გვ. 61-71). საინფორმაციო დღე  გაიმართება შოთა რუსთაველის საქართველოს ეროვნული სამეცნიერო ფონდის საკონფერენციო დარბაზში (ალექსიძის ქ. #1, III სართული). გთხოვთ, გაიაროთ რეგისტრაცია ბმულის მეშვეობით.
სრულად
http://rustaveli.org.ge/images/NEWS/download.png
13/12/2017 11:48

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას იაპონიის საერთაშორისო ფონდის სტიპენდიის შესახებ

იაპონიის საერთაშორისო ფონდის „Matsumae International Foundation” (MIF)-ის ორგანიზებით, ცხადდება კვლევითი სტიპენდია იაპონიაში 2019 წლისათვის. კვლევითი სტიპენდიისათვის პრიორიტეტული დარგებია საბუნებისმეტყველო მეცნიერებები, ინჟინერია და მედიცინა. განაცხადის წარმდგენ პირებს შეუძლიათ თავად აირჩიონ მიმღები ინსტიტუცია (უნივერსიტეტები, ეროვნული კვლევითი ინსტიტუტები ან კერძო სექტორის შესაბამისი დაწესებულება), სადაც განახორციელებენ თავიანთ კვლევით ვიზიტს, თუმცა ამის შესახებ მათ მიმღები ინსტიტუციისგან უნდა ჰქონდეთ თანხმობა. განაცხადის წარდგენისათვის, აპლიკანტი უნდა იყოს 49 წლამდე ასაკის   და ჰქონდეს დოქტორის ხარისხი. კვლევითი სტიპენდია ითვალისწინებს, კვლევითი ვიზიტის დასრულების შემდგომ, აპლიკანტის საკუთარ ქვეყანაში დაბრუნებას. კვლევითი სტიპენდიისათვის (Research Fellowship) განსაზღვრულია 3-6 თვე და  განაცხადების წარდგენის ბოლო ვადაა 2018 წლის 31 აგვისტო, 17:00 საათი (იაპონიის დროით). კვლევითი ვიზიტის განხორციელებისთვის განსაზღვრულია 2019 წლის აპრილიდან 2020 წლის მარტამდე პერიოდი. სტიპენდია მოიცავს 220 000 იაპონურ იენას თვეში, დაზღვევასა და ორმხრივ ბილეთს მგზავრობისათვის. დანართის სახით იხილეთ დეტალური ინფორმაცია სტიპენდიის შესახებ  აპლიკაციის ფორმასთან ერთად. 
სრულად
http://rustaveli.org.ge/images/2017%20AUGUST/IMG/webinarr.jpg
06/12/2017 10:07

ვებინარი „ჰორიზონტი 2020“-ის ეროვნული საკონტაქტო პირებისათვის

ფონდი ავრცელებს ინფორმაციას „ჰორიზონტი 2020-ის პროგრამების „რისკ-ფაქტორებთან წვდომა“  და  „ინოვაციები მცირე და საშუალო მეწარმეებისათვის“ ეროვნული საკონტაქტო პირების ქსელის (NCP Network)  მიერ დაგეგმილი ვებინარის „ბიზნეს მოდელისა და ბიზნეს გეგმის განვითარების“ შესახებ, რომელიც გაიმართება  ამა წლის 15 დეკემბერს 12-დან 14 საათამდე ( CET) ვებინარზე განხილული იქნება შეფასების, პროექტის ბიზნეს მოდელისა და წარმატებული განაცხადის შესაძლებლობები და ვებინარზე შეკითხვების დასმის შესაძლებლობაც მოგეცემათ. ვებინარს ორგანიზებას უწევს პოლონეთის მეცნიერებათა აკადემიის ფუნდამენტური ტექნოლოგიური კვლევის ინსტიტუტი ( IPPT PAN) და მას გაუძღვება ანა ნიკოდიმ-ბილსკა,  ჰორიზონტი 2020-ის მცირე და საშუალო მეწარმეობის ინსტრუმენტის შემფასებელი. ვებინარის სამიზნე ჯგუფი: „ჰორიზონტი 2020“-ის ეროვნული საკონტაქტო პირები. ვებინარი განსაკუთრებით მნიშვნელოვანია მცირე და საშუალო მეწარმეების, რისკ- ფაქტორებთან წვდომისა და ეროვნული საკონტაქტო პირების ინფრასტრუქტურისათვის. ვებინარზე დარეგისტრირება შეგიძლიათ მოცემული ბმულის მეშვეობით. კითხვების შემთხვევაში, შეგიძლიათ მიმართოთ ვებინარის ორგანიზატორს: Aleksandra.Stanislawska@kpk.gov.pl
სრულად
http://rustaveli.org.ge/images/2017%20AUGUST/IMG/Webinar.jpg
05/12/2017 11:49

ინოვაციური მედიცინის ინიციატივის (IMI) ვებინარები 27 ნოემბრიდან 15 დეკემბრის ჩათვლით

ფონდი ავრცელებს ინფორმაციას ვებინართა სერიის შესახებ, რომლებიც გაიმართება ამა წლის 27 ნოემბრიდან 15 დეკემბრის ჩათვლით და მოიცავს European Federation of Pharmaceutical Industries and Associations (EFPIA )-ის მიერ დაგეგმილ პრეზენტაციებს უახლესი სამედიცინო ინიციატივების, ინტელექტუალური საკუთრების პოლიტიკისა და საპროექტო წინადადებების წარდგენის შესახებ. ვებინარების სერია შესანიშნავი შესაძლებლობაა საკონკურსო თემატიკის, კოორდინატორებისა და პროექტისათვის პარტნიორების მოძიების, განაცხადების წარდგენისა და სხვა მნიშვნელოვანი საკითხებით დაინტერესებულთათვის.  IMI, ასევე, გამართავს ვებინარს მცირე და საშუალო მეწარმეებისათვის .  პრეზენტაციები გამოქვეყნდება ვებინარების ჩანაწერთან ერთად. დეტალური ინფორმაცია და თარიღები ვებინარების სერიის შესახებ, შეგიძლიათ იხილოთ მოცემული ბმულის მეშვეობით.
სრულად
http://rustaveli.org.ge/images/2017%20AUGUST/IMG/600.png
04/12/2017 11:54

ვებინარი ჰორიზონტი 2020-ის სამუშაო პროგრამაზე „უსაფრთხო, სუფთა და ეფექტური ენერგია“

„ჰორიზონტი 2020“-ის ახალი სამუშაო პროგრამა „უსაფრთხო, სუფთა და ეფექტური ენერგიის“ მიმართულებით უზრუნველყოფს პროექტის დაფინანსების ახალ შესაძლებლობლებს შავი ზღვის რეგიონის ქვეყნებისათვის. ვებინარი გაიმართება ამა წლის 4 დეკემბერს ცენტრალური ევროპის დროით 10 საათზე, ხოლო საქართველოს დროით 13:00-ზე. ვებინარის ხანგრძლივობა: დაახლოებით 60 წუთი (კითხვებისა და პასუხების ჩათვლით) “Black Sea Horizon“-ში მონაწილე ქვეყნები: საქართველო, სომხეთი, მოლდოვა, რუსეთი, თურქეთი, უკრაინა, აზერბაიჯანი). ვებინარში მონაწილეობისათვის, დარეგისტრირდით   ვებინარ ოთახი ს მეშვეობით. ვებინარი ჩატარდება პოლონეთის ეროვნული საკონტაქტო პირების, კერძოდ Maria Śmietanka-ს ხელმძღვანელობით, რომელიც არის პოლონეთის ეროვნული ექსპერტი და საკონტაქტო პირი „უსაფრთხო, სუფთა და ეფექტური ენერგიის“ მიმართულებით.   ვებინარის აღწერილობა: ვებინარი მიზნად ისახავს ჰორიზონტი 2020-ს „უსაფრთხო, სუფთა და ეფექტური ენერგიის“ ახალ კონკურსებზე და 2018-2020 წლების ახალ სამუშაო პროგრამებზე ინფორმაციის მოწოდებას. ასევე, ვებინარის მონაწილეები მიიღებენ ინფორმაციას იმის შესახებ, თუ როგორ უნდა შევქმნათ წარმატებული კონსორციუმი ან გავხდეთ მისი წევრი. Black Sea Horizon პროექტისადმი მიძღვნილ 15 ვებინარის სერიაში აღნიშნული ს ემინარი არის მეთორმეტე . სემინარი წარმოგიდგენთ ინფორმაციას ჰორიზონტი 2020-ის საუკეთესო პრაქტიკის შესახებ, კერძოდ, კონკრეტულ კონკურსებზე, რომლებიც რეგიონალური თანამშრომლობის პოტენციალით გამოირჩევიან. ვებინარების მიზანია ხელი შეუწყოს მკვლევართა აქტიურობას და გაზარდოს შავი ზღვის რეგიონის მონაწილეების რაოდენობა ჰორიზონტი 2020-ის ფარგლებში.  მიმდინარე სერიის ვებინარებში მონაწილეობა უფასოა და ღიაა ყველასათვის.   დამატებითი ინფორმაციისათვის: Adam Gluszuk ევროკავშირის კვლევითი პროგრამების ეროვნული საკონტაქტო პირი e-mail:  adam.gluszuk@kpk.gov.pl
სრულად

2017-2018 წლის ათასწლეულის ინოვაციის კონკურსის გამოცხადება

01/12/2017 13:28
2017 წლის 1დეკემბერს ფაბრიკის საკონფერენციო დარბაზში გაიმართა ათასწლეულის გამოწვევის  ფონდის- საქართველოს ათასწლეულის 2017-18 წლის კონკურსის გამოცხადება. ათასწლეულის ინოვაციის კონკურსის მიზანია საშუალო საფეხურის სკოლის მოსწავლეების ინტერესის და მოტივაციის ამაღლება საბუნებისმეტყველო მეცნიერებების, ტექნოლოგიებისა და ინჟინერიის მიმართ. 2016-2017 წლის ფინალისტების ინოვაციური პროექტების გამოფენის შემდეგ, შეხვედრაზე მისასალმებელი სიტყვებით გამოვიდნენ: აშშ-ის სრულუფლებიანი ელჩი საქართველოში ბატონი იან კელი, საქართველოს განათლებისა და მეცნიერების მინისტრი ბატონი მიხეილ ჩხენკელი, ათასწლეულის გამოწვევის ფონდი- საქართველოს აღმასრულებელი დირექტორი ქალბატონი მაგდა მაღრაძე, საქართველოს ინოვაციებისა და ტექნოლოგიების სააგენტოს თავჯდომარე ბატონი გიორგი ზვიადაძე.
სრულად
http://rustaveli.org.ge/images/2017%20AUGUST/IMG/surati_1.jpg
30/11/2017 17:15

შოთა რუსთაველის საქართველოს ეროვნული სამეცნიერო ფონდის 2017 წლის საქმიანობის შემაჯამებელი კონფერენცია

017 წლის 11 დეკემბერს, 9:30-17:30 საათზე შოთა რუსთაველის საქართველოს ეროვნული სამეცნიერო ფონდი აწყობს კონფერენციას "სსიპ შოთა რუსთაველის საქართველოს ეროვნული სამეცნიერო ფონდის 2017 წლის საქმიანობის შედეგები და სამომავლო პერსპექტივები". კონფერენცია გაიმართება სასტუმროში Radisson Blu Iveria (მისამართი: ვარდების რევოლუციის მოედანი #1, თბილისი) .news-detail-img { display:none; } 2017 წლის 11 დეკემბერს, 9:30-17:30 საათზე შოთა რუსთაველის საქართველოს ეროვნული სამეცნიერო ფონდი აწყობს კონფერენციას "სსიპ შოთა რუსთაველის საქართველოს ეროვნული სამეცნიერო ფონდის 2017 წლის საქმიანობის შედეგები და სამომავლო პერსპექტივები".  კონფერენცია გაიმართება სასტუმროში Radisson Blu Iveria (მისამართი: ვარდების რევოლუციის მოედანი #1, თბილისი) კონფერენციის მიზანია, საზოგადოებას წარუდგინოს ფონდის საკონკურსო პროგრამებისა და  ღონისძიებების 2017 წლის ანგარიში, გააცნოს ფონდის მიერ ადმინისტრირებული ეროვნული და საერთაშორისო კონკურსების შედეგები,  დაფინანსებული კვლევითი პროექტების მიმდინარეობისას გამოვლენილი სირთულეები და გამოწვევები, კონკურსების შეფასების განახლებული პროცედურები და კრიტერიუმები, მულტილატერალური პროგრამების ფარგლებში განხორციელებული აქტივობები. კონფერენციის დღის წესრიგი ასევე მოიცავს პრეზენტაციებს ფონდის 2018 წლის  გეგმებსა და სამომავლო პერსპექტივებზე.კონფერენციის სამუშაო ენა: ქართული. კონფერენცია გაგრძელდება მთელი დღის მანძილზე. ღონისძიების დღის წესრიგი იხილეთ ბმულზე. ფონდის 2017 წლის საქმიანობის შემაჯამებელ კონფერენციაზე დასაწრებად გთხოვთ დარეგისტრირდეთ ამ ბმულის მეშვეობით. ფონდის 2017 წლის წლიური ანგარიში იხილეთ ბმულზე.
სრულად
http://rustaveli.org.ge/images/Anonsebi/HSR2018.PNG
16/11/2017 17:47

ფონდი ავრცელებს ინფორმაციას ჯანდაცვის სისტემების კვლევის რიგით მეხუთე სიმპოზიუმის შესახებ

თუ ხართ ჯანდაცვის სფეროში მოღვაწე გამოცდილი ან ახალგაზრდა მეცნიერი და გაქვთ სურვილი ჩაერთოთ გლობალურ დიალოგში ჯანდაცვის სისტემების მდგრადი განვითარების მიზნების მისაღწევად, გამოიყენეთ შესაძლებლობა და გახდით ჯანდაცვის სისტემების კვლევის რიგით მეხუთე სიმპოზიუმის მომხსენებელი, რომელსაც 2018 წლის 8-12 ოქტომბერს ქალაქი ლივერპული უმასპინძლებს.   ჯანდაცვის სისტემების სრულყოფა მდგრადი განვითარების მიზნების მისაღწევად / Advancing Health Systems for All in the SDG Era - ეს იქნება მეხუთე სიმპოზიუმის მთავარი თემა, რომლის გარშემოც სფეროს 2000-ზე მეტი წარმომადგენელი გაცვლის საკუთარ მოსაზრებას და გამოცდილებას. მონაწილეებს  მიეცემათ შესაძლებლობა გაეცნონ ჯანდაცვის სფეროში არსებულ თანამედროვე მიდგომებს, შექმნან მეცნიერული მტკიცებულებები და ამასთანავე ხელი შეუწყონ ცოდნის გავრცელებასა და გამოყენებას ჯანდაცვის სფეროს განვითარების მიზნით.  სიმპოზიუმის პროგრამით დაგეგმილია 100-ზე მეტი პარალელური სესიის ჩატარება, რომელთა ერთი ნაწილი ორგანიზებულ, მეორე კი ინდივიდუალურ პრეზენტაციებს დაეთმობა. ამასთანავე, სიმპოზიუმის ძირითადი პროგრამის დაწყებამდე გაიმართება სატელიტური და უნარების განვითარებაზე ორიენტირებული სესიები, სადაც ახალგაზრდა მეცნიერები უფრო აქტიურად ჩაერთვებიან პროცესში და გაიფართოვებენ პროფესიულ სანაცნობო წრეს. დამატებითი ინფორმაცია სიმპოზიუმში მონაწილეობის შესახებ იხილეთ ბმულზე
სრულად
http://rustaveli.org.ge/images/2017%20AUGUST/IMG/banner_original.jpg
15/11/2017 13:05

ჰორიზონტი 2020-ის კოსმოსის სამუშაო პროგრამის საინფორმაციო დღე და საშუამავლო ღონისძიება

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას 13-14 დეკემბერს ქ. ვარშავაში, პოლონეთში დაგეგმილი ღონისძიების შესახებ. COSMOS2020 - ჰორიზონტი 2020-ის კოსმოსის მიმართულებით პოლონეთის ეროვნული საკონტაქტო პირი (NCP) ევროკავშირის კვლევის პროგრამებში, ევროკომისიის მხარდაჭერით ორგანიზებას უწევს 2018-2020 წლებში ჰორიზონტი 2020-ის ფარგლებში კოსმოსის მიმართულებაში დაგეგმილ კონკურსებს. ღონისძიება მიზნად ისახავს მეცნიერებისა და ტექნოლოგიების სფეროში დაინტერესებული მონაწილეებისთვის ახალი შესაძლებლობების გაცნობას. გარდა ამისა, შეხვედრა მიმოიხილავს კოსმოსის 2018-2020 წლების სამუშაო პროგრამასა და სტრატეგიული თანამშრომლობის შესაძლებლობებს, რომელიც მიმართულია უნივერსიტეტების, კვლევითი ცენტრების, ინდუსტრიის, მცირე და საშუალო მეწარმეების ასოციაციებისა და ადგილობრივი მმართველობის ორგანოებისათვის. ღონისძიება ჩატარდება კოპერნიკუსის სამეცნიერო ცენტრში, ვარშავაში. I საინფორმაციო დღე და საშუამავლო შეხვედრა გაიმართება 2017 წლის 13 დეკემბერს. II საინფორმაციო დღე და ტექნიკური ვიზიტი გაიმართება 2017 წლის 14 დეკემბერს. დარეგისტრირება შესაძლებელია მოცემული ბმულის მეშვეობით. ასევე, შეგიძლიათ იხილოთ 2018-2020 წლების კოსმოსის სამუშაო პროგრამა.
სრულად